ადამიანი კინოაპარატით ძიგა ვერტოვი, სა-გა

საბჭოთა ავანგარდისტის, კინოდოკუმენტალისტისა და დოკუმენტური კინოს თეორეტიკოსის, ძიგა ვერტოვის (1896-1954) ტექსტების კრებული »ადამიანი კინოაპარატით« აერთიანებს ვერტოვის მიერ დაარსებული შემოქმედებითი ჯგუფის »კინოკების« მანიფესტს – »ჩვენ. მანიფესტის ვარიანტი« (1922), კინოთეორიულ სტატიებს – »კინოკები. გადატრიალება« (1923), »›კინოთვალიდან‹ ›რადიოთვალამდე‹« (1929) და სასცენარო ვარიანტს ფილმისათვის »ადამიანი კინოაპარატით« (1929). ვერტოვის ფილმი »ადამინი კინოაპარატით« თავისი ნოვატორული კონცეფციით დღესაც დოკუმენტური კინოს პრაქტიკულ ნიმუშად რჩება.

წიგნს დართული აქვს საბჭოთა კინოავანგარდის ექსპერტის, ოქსანა ბულგაკოვას წინასიტყვაობა.

ავტორი: ძიგა ვერტოვი

გამომცემელი: სოსო დუმბაძე

თარგმანი რუსულიდან: კონსტანტინე დუმბაძე

ენა: ქართული

მოცულობა: 111 გვერდი

ფორმატი: A6

გამოცემის წელი: 2013

ISBN: 978-9941-0-5896-7

ჯიბის წიგნის სერია 7